Reports

នៅថ្ងៃទី៣០ ខែមីនា ឆ្នាំ២០២៣ ក្រុមការងារអនុវត្តគម្រោងខេត្តព្រៃវែង និងក្រុមការងារថ្នាក់ជាតិ (PIC) បានចុះជួបជាមួយក្រុមផលិតពូជស្រូវ របស់សហគមន៍បូពារសែនជ័យ ស្រុកព្រះស្តេច និងកសិករបង្ហាញបន្លែ នៅភូមិពោធិចិន្តាំ ឃុំស្វាយអន្ទរ និងកសិករបង្ហាញចិញ្ចឹមត្រី នៅភូមិមេនងក្រោម ឃុំជ្រៃ ស្រុកស្វាយអន្ទរ ខេត្តព្រៃវែង ដើម្បីប្រមូលព័ត៌មានវឌ្ឍនភាពនៃការអនុវត្តសកម្មភាពការងារតាមស្រុកគោលដៅរបស់គម្រោង។

នៅថ្ងៃទី២៥ ខែមីនា ឆ្នាំ២០២៣ ក្រុមការងារអនុវត្តគម្រោងថា្នក់ខេត្ត មន្រ្តីថ្នាក់ស្រុក និងសេវាករទី៨ ប្រចាំខេត្តព្រៃវែង បានរៀបចំបង្ហាញវីដេបច្ចេកទេសកសិកម្ម ដែលបានផ្សព្វផ្សាយចំនួន ២ក្រុម គឺក្រុមទីផ្សារស្រូវជោគជ័យ នៅភូមិត្រោក ឃុំសំរោង និងក្រុមកែលម្អទីផ្សារស្រូវព្រៃឈើទាលថ្មីរុងរឿង នៅភូមិព្រៃឈើទាល ឃុំសំរោង ស្រុកស្វាយអន្ទរ ខេត្តព្រៃវែង ដែលមានសមាសភាពចូលរួមសរុបចំនួន៥៣នាក់ និងស្រី៣០នាក់។

នៅថ្ងៃទី២៣ ខែមីនា ឆ្នាំ២០២៣ ក្រុមការងារសេវាករទី៨ ប្រចាំខេត្តបន្ទាយមានជ័យ បានរៀបចំប្រជុំវាយតម្លៃក្រុមមីគមាន់ ចំនួន២ក្រុម នៅភូមិរកា ឃុំសិង្ហ និងភូមិសូភីកណ្ដាល ឃុំសូភី ស្រុកអូរជ្រៅ ខេត្តបន្ទាយមានជ័យ ព្រមទាំងមានសមាសភាពចូលរួមមាន៖ លោកអនុប្រធានការិយាល័យកសិកម្មស្រុក មេភូមិប្រធានក្រុម អនុប្រធានក្រុម អ្នកសម្របសម្រួលតាមភូមិ និងសមាជិក ក្រុមមីគមាន់ សរុបចំនួន៣៧នាក់ និងស្ត្រី ២១នាក់។

នៅថ្ងៃទី២៣ ខែមីនា ឆ្នាំ២០២៣ ក្រុមការងារអនុវត្តគម្រោងថ្នាក់ខេត្ត និងមន្រ្តីថា្នក់ស្រុក ប្រចាំខេត្តព្រៃវែង បានចុះបង្ហាញអំពីវីដេអូបច្ចេកទេសកសិកម្ម ជូនក្រុមកែលម្អរទីផ្សារ (MIG) ព្រមទាំងបង្ហាញបច្ចេកទេស ដែលបានអនុវត្តដល់ក្រុមទីផ្សាស្រូវ នៅភូមិតាកែវ ឃុំពាមមន្ទារ ស្រុកកំពង់ត្របែក និងក្រុមទីផ្សារស្រូវនៅភូមិប្រអួលទឹក ឃុំទឹកថ្លា ស្រុកស្វាយអន្ទរ ខេត្តព្រៃវែង។