នៅព្រឹកថ្ងៃទី០៤ ខែមេសា ឆ្នាំ២០២៣ វេលាម៉ោង៩:០០នាទី នៅសាលប្រជុំមជ្ឈមណ្ឌលព័ត៌មាន និងឯកសារកសិកម្ម ក្រុមការងារអនុវត្តគម្រោងថ្នាក់ជាតិ បានរៀបចំប្រជុំត្រួតពិនិត្យវឌ្ឍនភាពការងារប្រចាំខែមីនា ឆ្នាំ២០២៣ នៃការអនុវត្តសកម្មភាពរបស់សេវាករទី៨ ដោយមានការអញ្ជើញចូលរួមពីក្រុមការងារថ្នាក់ជាតិ (MAFF-PMU) ទីប្រឹក្សាអនុវត្តគម្រោង និងក្រុមការងារសេវាករទី៨។ គោលបំណងនៃកិច្ចប្រជុំពិនិត្យលើវឌ្ឍនភាពសកម្មភាពការងារ លទ្ធផលនៃការអនុវត្តគម្រោងសំណើរបស់សហគ្រាសខ្នាតតូច និងការវាយតម្លៃអំពីដំណើរការរបស់ក្រុមកែលម្អទីផ្សារ និងពិភាក្សាអំពីដំណោះស្រាយជួបប្រទះ និងការរៀបចំសកម្មភាពអនុវត្តបន្ត។