កាលពីថ្ងៃពុធ១៤កើត ខែផល្គុន ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី១៦ ខែមីនា ឆ្នាំ២០២២ ដោយមានការគាំទ្រពីគម្រោងកាត់បន្ថយភាពក្រីក្រ និងអភិវឌ្ឍន៍កសិកម្មខ្នាតតូចនៅតំបន់ទន្លេសាប ជំហាន២ ក្រុមការងារមន្រ្តីអនុវត្តគម្រោង និងមានការសហការជាមួយក្រុមការងារថ្នាក់ជាតិ និងក្រុមការងារថ្នាក់ខេត្ត នៃគម្រោង TSSD-AF បានបើកវគ្គបណ្តុះបណ្តាល ស្តីពីបច្ចេកទេសផ្សំចំណីសម្រាប់មាន់ពង ដើម្បីពង្រឹងសមត្ថភាព ដល់កសិកភ្ញាស់កូនមាន់ ដោយមានការចូលរួមពីមន្រ្តីទីផ្សារ និងព័ត៌មានវិទ្យាជនបទ (PAMRIC) មន្រ្តីផ្សព្វផ្សាយព័ត៌មានចល័តឃុំ (CMAWs) មន្រ្តីគាំទ្រផ្សព្វផ្សាយកសិកម្មស្រុក (AERISO) ស្រុកបារាយណ៍ ស្រុកតាំងគោក ស្រុកសន្ទុក និងកសិករភ្ញាស់កូនមាន់ សរុបចំនួន ១៦នាក់ស្រី ០៣នាក់ នៅឃុំពង្រ ស្រុកតាំងគោក ខេត្តកំពង់ធំ។